தூங்கிக் கொண்டிருந்த முதியவரிடம் 2 பேர் செல்போன் பறித்து சென்ற சம்பவம் பரபரப்பை ஏற்படுத்தியுள்ளது.
திருப்பூர் மாவட்டத்தில் உள்ள குமாரவலசு பகுதிக்கு அருகில் உள்ள கடையின் முன்பு முதியவர் ஒருவர் படுத்திருந்தார். அப்போது அந்த வழியாக மோட்டார் சைக்கிளில் 2 பேர் வந்துள்ளனர். இந்நிலையில் மோட்டார் சைக்கிளில் வந்த 2 பேர் முதியவர் படுத்து இருந்ததை பார்த்தனர்.
இதனையடுத்து அந்த 2 பேரில் மோட்டார் சைக்கிள் பின்னாடி அமர்ந்திருந்தவர் வாகனத்தை விட்டு கீழே இறங்கி வந்து அவரிடம் இருந்த செல்போனை பறித்து விட்டு அங்கிருந்து தப்பி சென்றுள்ளனர். இந்த காட்சி அருகில் பொருத்தப்பட்டிருந்த சிசிடிவி கேமராவில் பதிவாகியுள்ளது. மேலும் இதுகுறித்து வழக்கு பதிவு செய்த வெள்ளக்கோவில் காவல்துறையினர் முதியவரிடம் செல்போன் திருடிய அந்த மர்ம நபர்களை தேடி வருகின்றனர்.