ஆப்கானிஸ்தான் அணியின் சுழற்பந்து வீச்சாளரான ரஷித் கான் டி20 கிரிக்கெட் போட்டியில் 400 விக்கெட் கைப்பற்றி புதிய சாதனை படைத்துள்ளார்.
டி20 உலகக்கோப்பை போட்டி ஐக்கிய அரபு அமீரகத்தில் விறுவிறுப்பாக நடைபெற்று வருகிறது. இதில் இன்று நடந்த ஆட்டத்தில் நியூசிலாந்து- ஆப்கானிஸ்தான் அணிகள் பலப்பரீட்சை நடத்தின. இதில் நியூசிலாந்து அணி 8 விக்கெட் வித்தியாசத்தில் அபார வெற்றி பெற்று அரையிறுதிக்கு முன்னேறியுள்ளது .இப்போட்டியில் ஆப்கானிஸ்தான் அணியின் சுழற்பந்து வீச்சாளர் ரஷித் கான் வீசிய 9-வது ஓவரில் மார்டின் குப்திலை போல்டாக்கி வெளியேற்றினார் .
இதன் மூலம் 23 வயதான ரஷித் கான் 289 டி20 போட்டிகளில் விளையாடி 400 விக்கெட் கைப்பற்றி அசத்தியுள்ளார். அதுமட்டுமில்லாது அதிவேகமாக 400 விக்கெட் கைப்பற்றிய வீரர் என்ற சாதனையை படைத்துள்ளார்.இதற்கு முன்னதாக பிராவோ 553 விக்கெட் எடுத்து முதலிடத்திலும் சுனில் நரேன் 425 விக்கெட் எடுத்து இரண்டாவது இடத்திலும் , இம்ரான் தாஹிர் 420 விக்கெட் எடுத்து 3-வது இடத்திலும் உள்ளனர் .தற்போது 4-வது வீரராக இந்தப் பட்டியலில் ரஷித் கான் இணைந்துள்ளார்.