தஞ்சாவூர் மாவட்டத்தில் பள்ளி கல்லூரிகளுக்கு நாளை விடுமுறை அறிவிக்கப்பட்டுள்ளது.
தமிழகத்தில் சென்னை உட்பட பல்வேறு மாவட்டங்களில் கனமழை கடந்த சில நாட்களாக பெய்து வருகின்றது.. தங்கள் மாவட்டங்களில் மழையின் தாக்கத்தை பொருத்து விடுமுறை அளிப்பது பற்றி ஆட்சியர்களே முடிவு செய்து கொள்ளலாம் என்று தமிழக அரசு அறிவித்திருந்தது.. இதனால் பெரும்பாலான மாவட்டங்களில் பள்ளி, கல்லூரிகளுக்கு விடுமுறை அளிக்கப்பட்டு வருகின்றது..
இந்நிலையில் கனமழை எச்சரிக்கையால் தஞ்சாவூர் மாவட்டத்தில் பள்ளி, கல்லூரிகளுக்கு நாளை விடுமுறை அறிவிக்கப்பட்டுள்ளது.. ஏற்கனவே புதுக்கோட்டை, திருவாரூர், நாகை, மயிலாடுதுறை மாவட்டத்திற்கு நாளை (10.11.2021) பள்ளி, கல்லூரிகளுக்கு விடுமுறை விடப்பட்ட நிலையில், தற்போது தஞ்சாவூர் மாவட்டத்திற்கும் விடுமுறை அறிவிக்கப்பட்டுள்ளது..