வசந்த் இயக்கியுள்ள சிவரஞ்சனியும் இன்னும் சில பெண்களும் படம் ஓடிடியில் ரிலீஸாக இருப்பதாக அறிவிப்பு வெளியாகியுள்ளது.
தமிழ் திரையுலகின் முக்கிய இயக்குனர்களில் ஒருவர் வசந்த். சமீபத்தில் வெளியான நவரசா வெப் தொடரில் வசந்த் இயக்கத்தில் பாயாசம் எபிசோட் வெளியாகியிருந்தது. தற்போது இவர் ‘சிவரஞ்சனியும் இன்னும் சில பெண்களும்’ என்ற படத்தை இயக்கியுள்ளார். இந்த படத்தில் பார்வதி, காளீஸ்வரி ஸ்ரீனிவாசன், லட்சுமி பிரியா உள்ளிட்ட பலர் நடித்துள்ளனர். ஹம்சா புரொடக்ஷன்ஸ் நிறுவனம் தயாரித்துள்ள இந்த படத்திற்கு இளையராஜா இசையமைத்துள்ளார்.
3 ஆண்டுகளுக்கு முன்பு தயாரிக்கப்பட்ட இந்த படம் உலகம் முழுக்க பல சர்வதேச விருது விழாக்களில் பங்கேற்றுள்ளது. மேலும் பல சர்வதேச விருதுகளையும், ஆசிய விருதையும் இந்த படம் வென்றுள்ளது குறிப்பிடத்தக்கது. இந்நிலையில் இந்த படம் நேரடியாக சோனி லைவ் ஓடிடியில் ரிலீஸாகும் என அதிகாரப்பூர்வமாக அறிவிக்கப்பட்டுள்ளது. தற்போது சிவரஞ்சனியும் இன்னும் சில பெண்களும் படத்தின் டிரைலர் வெளியாகி இணையத்தில் வைரலாகி வருகிறது.