வேன் மோதி முதியவர் உயிரிழந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்தில் உள்ள புளியங்குளம் கிராமத்தில் பால் வியாபாரியான முத்துமணி (வயது 71) என்பவர் வசித்து வந்துள்ளார். இவர் மகளின் வீட்டிற்கு செல்வதற்காக காரியாபட்டி – நரிக்குடி சாலையை கடக்க முயன்றுள்ளார். அப்போது அந்த வழியாக வந்த வேன் முத்துமணியின் மீது மோதி விபத்து நேர்ந்துள்ளது. இந்த விபத்தில் முத்துமணி சம்பவ இடத்திலேயே பரிதாபமாக உயிரிழந்துவிட்டார்.
இது குறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று முத்துமணியின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்கு பதிவு செய்த காவல்துறையினர் வேன் டிரைவரான முத்துமுருகன் என்பவரை கைது செய்து தீவிர விசாரணை மேற்கொண்டு வருகின்றனர்.