அனில் அம்பானி ரிலையன்ஸ் கம்யூனிகேஷன்ஸின் இயக்குநர் பதவியில் இருந்து விலகியதன் விளைவாக, பங்குச்சந்தையில் அந்நிறுவன பங்குகள் கடும் சரிவைச் சந்தித்து வருகின்றன.
ரிலையன்ஸ் கம்யூனிகேஷன்ஸ் நிறுவனத்தில் ஏற்பட்ட கடும் சரிவால் அனில் அம்பானி, சாயா விரணி (Chhaya Virani), ரைனா கரணி (Ryna Karani), மஞ்சரி கக்கர் (Manjari Kacker), சுரேஷ் ரங்காச்சர் (Suresh Rangachar) உள்ளிட்ட இயக்குநர்கள் பதவியை ராஜினாமா செய்தனர்.
இந்நிலையில் பதவியை ராஜினாமா செய்ததன் எதிரொலியாக இன்று தொடங்கிய பங்குச்சந்தையில் ரிலையன்ஸ் கம்யூனிகேஷன்ஸ் பங்குகள் கடும் சரிவில் வர்த்தகத்தைத் தொடங்கியது. தேசிய பங்குச்சந்தை குறியீட்டு எண் நிஃப்டியில் 0.65 எனவும், மும்பை பங்குச் சந்தை குறியீட்டு எண் சென்செக்ஸில் 0.61 எனவும் வர்த்தகமாகி வருகிறது.இது கடந்த 52 வாரங்களில் ரிலையன்ஸ் கம்யூனிகேஷன் நிறுவனத்தில் ஏற்பட்ட மாபெரும் வீழ்ச்சியாகும்.