சிம்பு நடிப்பில் உருவாகியுள்ள மாநாடு படத்தின் புதிய அப்டேட் வெளியாகியுள்ளது.
தமிழ் திரையுலகில் முன்னணி நடிகராக வலம் வரும் சிம்பு நடிப்பில் வெங்கட் பிரபு இயக்கத்தில் உருவாகியுள்ள திரைப்படம் மாநாடு. இந்த படத்தில் கல்யாணி பிரியதர்ஷன் கதாநாயகியாக நடித்துள்ளார். மேலும் எஸ்.ஜே.சூர்யா, பிரேம்ஜி அமரன், கருணாகரன், பாரதிராஜா, எஸ்.ஏ.சந்திரசேகர் உள்ளிட்ட பலர் முக்கிய கதாபாத்திரங்களில் நடித்துள்ளனர். சுரேஷ் காமாட்சி தயாரித்துள்ள இந்த படத்திற்கு யுவன் சங்கர் ராஜா இசையமைத்துள்ளார். வருகிற நவம்பர் 25-ஆம் தேதி இந்த படம் உலகம் முழுவதும் தியேட்டர்களில் ரிலீஸாக உள்ளது.
விரைவில் ,🎶🔥🔥🔥 @SilambarasanTR_ @thisisysr @TherukuralArivu #maanaadu pic.twitter.com/hEMV7VEybk
— sureshkamatchi (@sureshkamatchi) November 14, 2021
சமீபத்தில் இந்த படத்தின் முதல் பாடல் வெளியாகி ரசிகர்களிடையே நல்ல வரவேற்பை பெற்றது. இந்நிலையில் மாநாடு படத்தின் புதிய அப்டேட்டை தயாரிப்பாளர் சுரேஷ் காமாட்சி டுவிட்டரில் வெளியிட்டுள்ளார். அதில் விரைவில் மாநாடு படத்தின் இரண்டாவது பாடல் வெளியாகும் என்றும், அந்த பாடலை தெருக்குரல் அறிவு பாடியுள்ளதாகவும் தெரிவித்துள்ளார். மேலும் சிம்பு, தெருக்குரல் அறிவு, யுவன் சங்கர் ராஜா மூவரும் இணைந்து எடுத்துக் கொண்ட புகைப்படத்தையும் வெளியிட்டுள்ளார். தற்போது இந்த புகைப்படம் இணையத்தில் வைரலாகி வருகிறது.