நேற்று நடந்த நினைவேந்தல் கூட்டத்தில் மகாராணியாருக்கு பதிலாக இளவரசி கலந்து கொண்டுள்ளார்.
பிரித்தானியா விடுதலைக்காகப் போராடி உயிர் துறந்த ராணுவத்தினற்காக நினைவேந்தல் கூட்டம் ஒன்று நேற்று நடைபெற்றது. இந்த நிகழ்வானது மகாராணியார் முன்னிலையில் நடைபெறுவது வழக்கம். ஆனால் நேற்று இளவரசர் சார்லஸ் மற்றும் அவரது பிள்ளைகள் என குடும்பமாக அதில் கலந்து கொண்டுள்ளனர். மேலும் மகாராணியாருக்கு உடல்நலம் சரியில்லை என்பதால் கடந்த 22 ஆண்டுகளில் முதல் தடவையாக அவர் நினைவேந்தல் கூட்டத்தில் கலந்து கொள்ளாமல் ஓய்வு எடுத்துள்ளார்.
இதற்குப் பதிலாக இளவரசர் வில்லியமின் மனைவி கேட் மிடில்டன் நேற்று கமலா மற்றும் சோபியுடன் வெளிவிவகார அலுவலகத்தின் பால்கனியில் தோன்றினார்.மேலும் இளவரசர் சார்லஸ், இளவரசர் வில்லியம், இளவரசி அன் மற்றும் இளவரசர் எட்வர்ட் ஆகியோர் நினைவு மண்டபத்திற்கு மாலை அணிவித்து மரியாதை செலுத்தினர்.
இந்த நிகழ்வில் கேட் மிடில்டன் உட்பட மூவரும் கருப்பு உடை அணிந்திருந்தனர். மேலும் கடந்த ஆண்டு நினைவேந்தல் கூட்டத்தில் கேட் மற்றும் கமிலாவுக்கு மத்தியில் மகாராணியார் நின்று மரியாதை செலுத்தினார். குறிப்பாக நேற்று நடந்த நினைவேந்தல் கூட்டத்தில் மகாராணியார் கலந்து கொள்வதில் சிரமம் இருந்தது என பக்கிங்ஹாம் அரண்மனை தெரிவித்துள்ளது.