சீனாவில் பேருந்து ஒன்று லாரி மீது பயங்கரமாக மோதிய விபத்தில் எட்டு நபர்கள் உயிரிழந்த சம்பவம் சோகத்தை ஏற்படுத்தியுள்ளது.
சீன நாட்டின் கிழக்கு பகுதியில் அமைந்துள்ள அன்ஹுய் மாகாணத்தில் நேற்று இரவு நேரத்தில் நெடுஞ்சாலையில் ஒரு பேருந்து சென்றுள்ளது. அப்போது, அந்த பேருந்து எதிர்பாராதவிதமாக ஒரு லாரி மீது மோதியதில் பயங்கர விபத்து ஏற்பட்டிருக்கிறது. இதில் 8 நபர்கள் பரிதாபமாக உயிரிழந்துள்ளனர்.
மேலும் 8 நபர்களுக்கு காயம் ஏற்பட்டிருக்கிறது. காயமடைந்தவர்களை உடனடியாக மீட்டு அருகில் இருந்த மருத்துவமனையில் அனுமதித்துள்ளனர். இந்த விபத்து தொடர்பிலான விசாரணை மேற்கொள்ளப்பட்டு வருவதாக அதிகாரிகள் தெரிவித்துள்ளனர்.