தமிழகத்தில் உள்ள அனைத்து கோயில்களின் தணிக்கை அறிக்கையை இரு வாரத்தில் தாக்கல் செய்வோம் என்று சென்னை உயர்நீதிமன்றத்தில் தமிழக அரசு தெரிவித்துள்ளது.
தமிழகத்தில் உள்ள கோயில்களின் கணக்கு வழக்குகளை தணிக்கை குழு மூலம் தணிக்கை செய்ய உத்தரவிட வேண்டும் என்று ஸ்ரீரங்கத்தைச் சேர்ந்த ரங்கராஜன் என்பவர் வழக்கு ஒன்றை தொடர்ந்தார். இந்த வழக்கு நீதிபதி மகாதேவன் மற்றும் ஆதிகேசவலு ஆகியோர் முன்பு விசாரணைக்கு வந்தது. அப்போது தமிழக அரசு தரப்பில் ஆஜரான தலைமை வழக்கறிஞர் சண்முகசுந்தரம், கோவில்களில் அனைத்து தணிக்கை அறிக்கைகளும் இரு வாரங்களில் தாக்கல் செய்யப்படும் என்று கூறினார். இதை பதிவு செய்த நீதிபதி விசாரணையை இரண்டு வாரங்களுக்கு தள்ளி வைத்துள்ளார்.