கர்நாடகா மாநிலத்தில் பெல்லாரி மாவட்டத்தை சேர்ந்த பசவா (45)என்ற ஆதரவற்ற மனநலம் பாதிக்கப்பட்ட ஒருவரின் இறுதி சடங்கில் 3000 பேர் கலந்து கொண்ட சம்பவம் நெகிழ்ச்சியை ஏற்படுத்தியுள்ளது. இவர் மனநிலை பாதிப்புடன் அப்பகுதியில் வாழ்ந்து வந்துள்ளார். அவரது பின்புலம் பற்றி யாருக்கும் தெரியவில்லை. பொதுமக்களிடம் ஒரு ரூபாய் மட்டுமே யாசகமாக கேட்டுப் பெறுவதை வழக்கமாக கொண்டவர்.
அதற்கு மேல் ஒரு பைசா கூட வாங்க மறுத்து விடுவாராம். கூடுதலாக கொடுத்தாலும் அதற்கான சில்லரையை சரியாக அவர்களிடமே கொடுத்து விடுவாராம். இந்த நிலையில் அவர் சாலை விபத்தில் மரணமடைந்த செய்தியை கேட்ட மக்கள் ஆயிரக்கணக்கில் திரண்டு அஞ்சலி செலுத்தினர். மனிதத்துவத்திற்கு உதாரணமாக இந்த சம்பவம் அமைந்துள்ளது.
https://twitter.com/Shishir_rao97/status/1461271335984779265