சிம்பு நடிப்பில் உருவாகியுள்ள மாநாடு படத்தின் சென்சார் குறித்த தகவல் வெளியாகியுள்ளது.
தமிழ் திரையுலகில் முன்னணி நடிகராக வலம் வரும் சிம்பு நடிப்பில் உருவாகியுள்ள திரைப்படம் மாநாடு. வெங்கட் பிரபு இயக்கியுள்ள இந்த படத்தில் கல்யாணி பிரியதர்ஷன் கதாநாயகியாகவும், எஸ்.ஜே.சூர்யா வில்லனாகவும் நடித்துள்ளனர். மேலும் பிரேம்ஜி, கருணாகரன், எஸ்.ஏ.சந்திரசேகர், அரவிந்த் ஆகாஷ், பாரதிராஜா உள்ளிட்ட பலர் முக்கிய கதாபாத்திரங்களில் நடித்துள்ளனர்.
சுரேஷ் காமாட்சி தயாரித்துள்ள இந்த படத்திற்கு யுவன் சங்கர் ராஜா இசையமைத்துள்ளார். மேலும் இன்று வெளியான ‘மாநாடு’ படத்தின் அதிரடியான டிரைலர் இணையத்தில் வைரலாகி வருகிறது. இந்த படம் வருகிற நவம்பர் 25-ஆம் தேதி தியேட்டர்களில் ரிலீசாக உள்ளது. இந்நிலையில் மாநாடு படத்தின் சென்சார் மற்றும் ரன்னிங் டைம் குறித்த தகவல்கள் வெளியாகியுள்ளது. அதன்படி இந்த படத்திற்கு யு/ஏ சான்றிதழ் கிடைத்துள்ளது. மேலும் இந்த படத்தின் ரன்னிங் டைம் 2 மணி நேரம் 27 நிமிடங்கள் என அறிவிக்கப்பட்டுள்ளது.