சந்திரபாபு நாயுடு நாடகம் எல்லோருக்கும் தெரியும் என ஜெகன்மோகன் ரெட்டி விமர்சனம் செய்துள்ளார்.
ஆந்திரா சட்டமன்றத்தில் தன்னையும் தனது மனைவியையும் அவதூறாக பேசியதாக கூறி இனி முதலமைச்சராக மட்டுமே சட்டமன்றத்தில் அடி எடுத்து வைப்பேன் என சபதம் செய்து சந்திரபாபுநாயுடு சட்டமன்றத்தை விட்டு வெளியேறினார். பின்னர் செய்தியாளர்களிடம் பேசிய அவர் கண்கலங்கினார். இந்த விவகாரம் தொடர்பாக ஆந்திர முதல்வர் ஜெகன் மோகன் ரெட்டி தெரிவித்துள்ளதாவது: “சந்திரபாபு நாயுடு விரக்தியில் உள்ளார். தனது சொந்த தொகுதிக்கு உட்பட்ட குப்பம் முனிசிபல் கார்ப்பரேஷன் தேர்தலை இழந்துள்ளார். இதனால் அவர் கடுமையான விரக்தியில் உள்ளார். இது அனைவருக்கும் தெரியும் .
அதனால் என்ன பேசுகிறோம் என்ன செய்கிறோம் என்று தெரியாமல் பேசி வருகிறார். இதற்கு முன்னர் சட்டப்பேரவையில் பலமுறை தேவையற்ற சர்ச்சைகளை அவர் எழுப்பியுள்ளார். இப்போது அவரை மக்கள் தூக்கி எறிந்ததால் இப்படி நடந்து கொள்கிறார். அவர் எல்லாவற்றிலும் அரசியல் லாபத்தை மட்டுமே பெற முயற்சிக்கிறார். அந்த சமயத்தில் நான் சட்ட சபைக்குள் இல்லாவிட்டாலும், அவரது நாடகம் எல்லாம் கண்களுக்கும் தெரியும்” என்று தெரிவித்துள்ளார்.