கார்த்திக் நரேன் அடுத்ததாக இயக்கும் படத்தில் இரண்டு ஹீரோக்கள் நடிக்க இருப்பதாக தகவல் வெளியாகியுள்ளது.
தமிழ் திரையுலகில் கடந்த 2016-ஆம் ஆண்டு வெளியான துருவங்கள் பதினாறு படத்தின் மூலம் இயக்குனராக அறிமுகமானவர் கார்த்திக் நரேன். இதை தொடர்ந்து இவர் இயக்கத்தில் அருண் விஜய் நடிப்பில் மாபியா படம் வெளியாகியிருந்தது. மேலும் இவர் இயக்கத்தில் உருவாகியுள்ள நரகாசூரன் படம் விரைவில் ரிலீசாக உள்ளது. இந்த படத்தில் அரவிந்த்சாமி, சந்தீப் கிஷன், ஆத்மிகா, ஸ்ரேயா சரண் உள்ளிட்ட பலர் நடித்துள்ளனர். தற்போது கார்த்திக் நரேன் இயக்கத்தில் தனுஷ் நடிப்பில் மாறன் படம் உருவாகி வருகிறது.
இந்நிலையில் கார்த்திக் நரேன் அடுத்ததாக இயக்கும் படத்தில் இரண்டு ஹீரோக்கள் நடிக்க இருப்பதாக தகவல் வெளியாகியுள்ளது. அதன்படி ரகுமான், அதர்வா இருவரும் இந்த படத்தில் ஹீரோக்களாக நடிக்க இருக்கின்றனர். மேலும் இந்த படத்தின் படப்பிடிப்பு வருகிற டிசம்பர் மாதம் தொடங்கப்பட இருப்பதாக கூறப்படுகிறது. விரைவில் இந்த படம் குறித்த அறிவிப்புகள் வெளியாகும் என எதிர்பார்க்கப்படுகிறது.