தமிழகத்தில் கொரோனா காரணமாக கடந்த ஆண்டு பள்ளி மற்றும் கல்லூரிகள் அனைத்தும் மூடப்பட்டன. அதனால் மாணவர்களுக்கு ஆன்லைன் மூலமாகவே வகுப்புகள் நடத்தப்பட்டது. அதனால் பள்ளி மற்றும் கல்லூரி மாணவர்களுக்கு தேர்வுகள் ஆன்லைன் மூலமாக நடைபெற்றன. மேலும் 10, 11, 12 ஆம் வகுப்புகளுக்கு நடைபெறும் பொதுத் தேர்வுகள் ரத்து செய்யப்பட்டது. மதிப்பீட்டு முறையில் மாணவர்களுக்கு மதிப்பெண்கள் வழங்கப்பட்டன.
இந்நிலையில் 12 ஆம் வகுப்பு துணைத் தேர்வர்களுக்கு கடந்த ஆகஸ்ட் மாதம் நேரடி தேர்வு நடந்தது. தற்போது அவர்களுக்கான அசல் மதிப்பெண் சான்றிதழ் நவம்பர் 25 ஆம் தேதி முதல் வழங்கப்படும் என தெரிவிக்கப்பட்டுள்ளது. மாணவர்கள் மதிப்பெண் சான்றிதழ் குறித்த விவரங்களுக்கு www.dge.tn.gov.in என்ற இணையதளத்தில் அறியலாம்.
இதையடுத்து பிளஸ் 2 துணைத் தேர்வு எழுதிய மாணவர்கள் மறுகூட்டல் மற்றும் மறு மதிப்பீடு உட்பட தங்கள் அசல் மதிப்பெண் சான்றிதழ்களை நவம்பர் 25 முதல் அவர்கள் தேர்வு எழுதிய தேர்வு மையங்களிலேயே பெற்றுக்கொள்ளலாம் என அரசு தேர்வுகள் இயக்ககம் அறிவித்துள்ளது. மதிப்பெண் சான்றிதழ்களை பெற தேர்வு மையத்திற்கு வரும் தேர்வர்கள் கட்டாயம் முகக்கவசம் அணிந்து வரவேண்டும் என்றும் தெரிவித்துள்ளது.