சமுத்திரக்கனி நடிப்பில் உருவாகியுள்ள சித்திரைச் செவ்வானம் படத்தின் டிரைலர் வெளியாகியுள்ளது.
தமிழ் திரையுலகில் இயக்குனராகவும், நடிகராகவும் வலம் வருபவர் சமுத்திரக்கனி. சமீபத்தில் இவர் நடிப்பில் வெளியான வினோதய சித்தம் படம் நல்ல வரவேற்பை பெற்றது. தற்போது இவர் யாவரும் வல்லவரே, நான் கடவுள் இல்லை ஆகிய படங்களில் கதாநாயகனாக நடித்துள்ளார். இதுதவிர இவர் மாறன், இந்தியன்-2, டான், அந்தகன் போன்ற தமிழ் படங்களிலும், சர்காரு வாரி பாட்டா, பீம்லா நாயக் ஆகிய தெலுங்கு படங்களிலும் முக்கிய வேடங்களில் நடித்துள்ளார்.
மேலும் சமுத்திரக்கனி நடிப்பில் உருவாகியுள்ள சித்திரைச் செவ்வானம் படம் வருகிற டிசம்பர் 3-ஆம் தேதி நேரடியாக ஜீ5 ஓடிடியில் ரிலீஸாக உள்ளது. ஸ்டண்ட் இயக்குனர் சில்வா இயக்குனராக அறிமுகமாகும் இந்த படத்தில் ரீமா கல்லிங்கல், சாய்பல்லவியின் தங்கை பூஜா கண்ணன் ஆகியோர் முக்கிய கதாபாத்திரங்களில் நடித்துள்ளனர். இயக்குனர் விஜய் தயாரித்துள்ள இந்த படத்திற்கு சாம்.சி.எஸ் இசையமைத்துள்ளார். இந்நிலையில் சித்திரைச் செவ்வானம் படத்தின் பரபரப்பான டிரைலர் வெளியாகி ரசிகர்களை வெகுவாக கவர்ந்து வருகிறது.