சோமாலியாவில் பயங்கரவாதிகள் நடத்திய திடீர் தற்கொலை படை தாக்குதலில் 5 பேர் பலியான சம்பவம் பெரும் பரபரப்பை ஏற்படுத்தியுள்ளது.
சோமாலியாவில் அல் கொய்தா பயங்கரவாத அமைப்புடன் தொடர்புடைய அல்ஷபாப் என்ற பயங்கரவாத அமைப்பு ஒன்று செயல்பட்டு வருகிறது. இந்த அமைப்பு சோமாலிய அரசை கவிழ்க்க திட்டமிட்டு செயல்பட்டு வருகிறது. எனவே இந்த அமைப்பு அவ்வப்போது பொதுமக்கள் மற்றும் அரசு படைகளை குறிவைத்து தாக்குதல்கள் நடத்தி வருகிறது. இதில் பலர் பலியாகியுள்ளனர்.
இதன் தொடர்ச்சியாக தற்போது சோமாலியாவின் தலைநகரான மொகடிசுயில் கே8 சந்திப்பு அருகில் பயங்கரவாதி ஒருவன் உடலில் வெடிகுண்டுகளை கட்டிக்கொண்டு அதனை திடீரென வெடிக்க செய்தான். இதில் 5 பேர் பலியாகியுள்ளனர். மேலும் 23 பேர் படுகாயமடைந்துள்ளனர் . இந்த சம்பவத்திற்கு அல்ஷபாப் பயங்கரவாத அமைப்பு பொறுப்பேற்றுள்ளது. மேலும் இந்த சம்பவத்தை தொடர்ந்து அப்பகுதியில் பாதுகாப்பு படையினர் குவிக்கப்பட்டுள்ளனர்.