அஜித் பவாருடன் கூட்டணி வைத்தது குறித்து, சரியான நேரத்தில் பதில் அளிப்பதாக மகாராஷ்டிரா மாநில பாஜக எம்எல்ஏ தேவேந்திர ஃபட்னாவிஸ், தனது ட்விட்டர் பக்கத்தில் தெரிவித்துள்ளார்.
இது குறித்து தேவேந்திர ஃபட்னாவிஸ் தனது ட்விட்டர் பக்கத்தில், ‘ அஜித் பவாருடன் கூட்டணி வைத்தது தவறு எனப் பலர் கேள்வி எழுப்பி வருகின்றனர். இதற்குச் சரியான நேரத்தில சரியான பதிலளிப்பேன்’ எனப் பதிவிட்டுள்ளார்.
இதற்கு முன்னதாக செய்தியாளர்களைச் சந்தித்த அஜித் பவார், ‘ நான் என்சிபியில் தான் இருக்கிறேன். என்னை என்சிபியில் இருந்து நீக்கி விட்டார்கள்… என யாராவது சொன்னார்களா அல்லது எங்கேயாவது படித்தீர்களா ‘ எனக் கேள்வி எழுப்பினார்.
எம்எல்ஏவாக பதவியேற்றுள்ள ஆதித்யா தாக்கரே செய்தியாளர்களைச் சந்தித்து, ‘ நாங்கள் புதிய மகாராஷ்டிராவை உருவாக்க இணைந்துள்ளோம். தற்போது பதவியேற்றுள்ள பெரும்பாலான எம்எல்ஏக்கள் அனைவரும் புதியவர்கள். மக்களுக்காக சேவை செய்ய காத்திருக்கிறோம்’ என்றார்.