தமிழகத்தில் வடகிழக்கு பருவமழை தீவிரமடைந்ததை தொடர்ந்து கடந்த சில நாட்களாக பல்வேறு மாவட்டங்களில் பரவலாக மழை பெய்து வருகிறது. அதிலும் குறிப்பாக சென்னையில் கடந்த வாரம் முழுவதும் கன மழை வெளுத்து வாங்கியது. அதனால் சாலைகள் அனைத்திலும் மழைநீர் வெள்ளம் போல தேங்கி நிற்கிறது. அதுமட்டுமல்லாமல் வீடுகளில் மழை நீர் புகுந்ததால் மக்கள் சிலர் தங்கள் வீடுகளை இழந்து தவித்து வருகின்றனர். அவர்களுக்கு வேண்டிய அனைத்து நிவாரண உதவிகளையும் செய்ய முதல்வர் ஸ்டாலின் உத்தரவிட்டுள்ளார்.
இதனைத் தொடர்ந்து கடந்த இரண்டு நாட்களாக மீண்டும் இடைவிடாது கனமழை பெய்ய தொடங்கியுள்ளது. அதனால் பள்ளி கல்லூரிகளுக்கும் விடுமுறை அளிக்கப்பட்டுள்ளது. சாலைகளில் மழைநீர் தேங்கியதால் போக்குவரத்து பெரிதும் பாதிக்கப்பட்டுள்ளது. அதுமட்டுமல்லாமல் சுரங்கப் பாதையில் மழை நீர் தேங்கியுள்ளதால் போக்குவரத்து தடைப்பட்டுள்ளது. அதன்படி தி.நகர் மேட்லி சுரங்க பாதை மற்றும் ரங்கராஜபுரம் சுரங்கப்பாதையில் மழை நீர் தேங்கியுள்ளதால் போக்குவரத்து நிறுத்தம் செய்யப்பட்டு இரண்டு சுரங்க பாதைகளும் மூடப்பட்டுள்ளன.