பிரிட்டனில் 100 மைல் வேகத்திற்கு பலத்த காற்று வீசக்கூடிய அபாயம் இருப்பதால் மக்களுக்கு எச்சரிக்கை விடுக்கப்பட்டுள்ளது.
பிரிட்டனின் வானிலை ஆய்வு மையம், இந்த வார கடைசியில் பல்வேறு பகுதிகளில் பனிப்புயல் ஏற்படும் என்று எச்சரிக்கை விடுத்திருக்கிறது. அதன்படி இன்று அதிகாலையில் இருந்தே நாட்டின் பல்வேறு பகுதிகளில் கடுமையான பனிப்பொழிவு ஏற்பட்டது. கடுமையான குளிர் காற்று மேலும் மூன்று தினங்களுக்கு பிரிட்டனை தாக்கும் என்று தெரிவிக்கப்பட்டுள்ளது.
பல்வேறு பகுதிகளில் இன்னும் மூன்று தினங்களுக்கு 6 இன்ச் அளவில் பனிப்பொழிவு ஏற்படும். வேறு சில பகுதிகளிலும் ஒரு மணி நேரத்திற்கு 100 மைல் வேகத்தில் பலத்த காற்று வீசும் எனவும் கடும் வெள்ளம் உருவாகவும் வாய்ப்பிருப்பதாகவும் வானிலை ஆய்வு மையம் எச்சரிக்கை விடுத்திருக்கிறது.
பலத்த காற்று வீசினால் மரங்கள் சாய்ந்து விடும் என்பதால் மக்கள் வெளியில் மரங்களின் அருகே நிற்கக்கூடாது என்று எச்சரிக்கப்பட்டுள்ளது. இதுமட்டுமன்றி நாடு முழுவதும் Arwen என்ற காற்று புயல், பலமாக வீசுவதால் ரெட் அலர்ட் எச்சரிக்கை விடுக்கப்பட்டிருக்கிறது.