கனமழை காரணமாக தமிழகத்தில் நாளை பல்வேறு மாவட்டங்களில் பள்ளி, கல்லூரிகளுக்கு விடுமுறை அளிக்கப்பட்டுள்ளது.
தமிழகத்தில் வடகிழக்கு பருவமழை தற்போது தீவிரமாக பெய்து வருகிறது. அடுத்தடுத்த காற்றழுத்த தாழ்வு மண்டலம் உருவாகி, கடந்த ஆண்டை காட்டிலும் கனமழை அதிகளவில் இந்த முறை பெய்து வருவதால் பல்வேறு மாவட்டங்களில் ஆறு, குளங்கள் உள்ளிட்ட நீர்நிலைகள் நிரம்பியுள்ளன.. மேலும் பல்வேறு இடங்களில் சாலைகளில் வெள்ள நீர் தேங்கியுள்ளதால் மக்களின் இயல்பு வாழ்க்கை பாதிக்கப்பட்டுள்ளது.. அதேபோல புதுச்சேரியிலும் கனமழை பெய்து வருகிறது.. தற்போது கனமழை பல்வேறு மாவட்டங்களில் பெய்து வருகிறது..
இதன் காரணமாக முன்னெச்சரிக்கை நடவடிக்கையாக தங்களது மாவட்டங்களில் பெய்யும் மழையின் தாக்கத்தை பொறுத்து அந்தந்த மாவட்ட ஆட்சியர்கள் கடந்த சில நாட்களாக விடுமுறை அறிவித்து வருகின்றனர்..
அந்த வகையில், நாளை (29.11.21) காஞ்சிபுரம், செங்கல்பட்டு, நெல்லை, தூத்துக்குடி, திருவள்ளூர், சென்னை, தஞ்சை ஆகிய 7 மாவட்டங்களில் பள்ளி மற்றும் கல்லூரிகளுக்கு விடுமுறை அளித்து ஆட்சியர்கள் உத்தரவிட்டுள்ளனர்.
இதுதவிர திருவாரூர், நாகை, கடலூர், திருவண்ணாமலை, மயிலாடுதுறை ஆகிய 5 மாவட்டத்தில் நாளை (29.11.21) பள்ளிகளுக்கு மட்டும் ஆட்சியர்கள் விடுமுறை அளித்துள்ளனர்.. அதேபோல பெரம்பலூர் மாவட்டத்தில் 8ஆம் வகுப்பு வரை அனைத்து பள்ளிகளுக்கும் விடுமுறை அளித்து அம்மாவட்ட சிஇஓ அறிவித்துள்ளார்.. மேலும் உயர்நிலை, மேல்நிலைப் பள்ளிகளுக்கு சூழ்நிலையை பொருத்து தலைமை ஆசிரியர் முடிவு எடுத்துக் கொள்ளலாம் என்று அவர் தெரிவித்துள்ளார்..
மேலும் கனமழை காரணமாக புதுச்சேரி மற்றும் காரைக்காலில் நாளை (29ஆம் தேதி), நாளை மறுநாள் (30ஆம் தேதி) பள்ளிகள், கல்லூரிகளுக்கு விடுமுறை அளிக்கப்பட்டுள்ளது.