நடிகர் சிவகார்த்திகேயன் நடிக்க இருக்கும் புதிய படத்தின் பெயர் வெளியாகியுள்ளது.
நடிகர் சிவகார்த்திகேயன் அவர்கள் நடித்த ’நம்ம வீட்டு பிள்ளை’படம் சமீபத்தில் வெளியாகி மிகப்பெரிய வெற்றி கண்ட நிலையில் அவர் தற்போது ’ஹீரோ’ என்னும் படத்தை முடித்துள்ளார். இந்த படம் வருகின்ற 20ஆம் தேதி வெளியாகும் என ரசிகர்களால் எதிர்பார்க்கப்படுகிறது . இதனை அடுத்து இயக்குனர் ரவிக்குமார் அவர்கள் இயக்கி வரும் படத்தில் இப்போது சிவகார்த்திகேயன் நடித்து கொண்டிருக்கின்றார். இந்த நிலையில் அவருடைய அடுத்த படத்தை பற்றி தகவல் வெளியாகியுள்ளது.
நடிகர் சிவகார்த்திகேயன் அவர்கள் நடிக்க இருக்கும் அடுத்த படத்தை சிவகார்த்திகேயனின் SK புரடொக்சன்ஸ் நிறுவனமும் , KJR ஸ்டுடியோஸ் நிறுவனமும் இணைந்து தயாரிக்கின்றது என்பது குறிப்பிடத்தக்கது. இப்படத்தை ’கோலமாவு கோகிலா’ படத்தை இயக்கிய நெல்சன் இயக்குகின்றார்.
அனிருத் இசையமைக்கும் இந்த படத்துக்கு டைட்டில் ’டாக்டர்’ என்று அறிவிக்கப்பட்டுள்ளது. இது பற்றிய தகவல்களை நடிகர் சிவகார்த்திகேயன் தன்னுடைய சமூக வலைதளம் மூலம் அறிவித்துள்ளார். மேலும் இப்படப்பிடிப்பு மிகவும் விரைவில் தொடங்க இருப்பதாகவும் அதில் அறிவிக்கப்பட்டுள்ளது. சிவகார்த்திகேயன், நெல்சன் மற்றும் அனிருத் ஆகிய மூவரும் நெருங்கிய நண்பர்கள் என்பதால் இந்த படத்தை பற்றிய எதிர்பார்ப்பு ரசிகர்களுக்கு மேலும் அதிகரித்துள்ளது.
Very happy to share that my next film will be with my dearmost friends @Nelson_director & @anirudhofficial titled as #DOCTOR 👨⚕😊👍 Once again happy to be associated with @kjr_studios 👍 Shoot starts soon🙏 @SKProdOffl pic.twitter.com/W82ltJrbHK
— Sivakarthikeyan (@Siva_Kartikeyan) December 2, 2019