பெண்ணுக்கு பாலியல் தொல்லை கொடுத்த ஸ்டூடியோ ஓனரை காவல்துறையனர் கைது செய்துள்ளனர்.
தேனி மாவட்டம் தேவதானப்பட்டியை அடுத்துள்ள சில்வாற்பட்டியில் திருஞானம் என்பவர் வசித்து வந்துள்ளார். இவர் அப்பகுதியில் ஸ்டூடியோ மற்றும் ஜெராக்ஸ் கடை ஒன்றை நடத்தி வருகின்றார். இந்நிலையில் சம்பவத்தன்று இவரது கடைக்கு அதே பகுதியை சேர்ந்த பெண் ஒருவர் ஜெராக்ஸ் எடுக்க கடைக்கு சென்றுள்ளார். அப்போது திருஞானம் அந்த பெண்ணுக்கு பாலியல் தொல்லை கொடுத்துள்ளார்.
இதனையடுத்து இதுகுறித்து வெளியே கூறினால் கொலை செய்து விடுவதாகவும் மிரட்டியுள்ளார். இதனையடுத்து அந்த பெண் உடனடியாக தேவதானப்பட்டி காவல்நிலையத்தில் இது குறித்து புகார் அளித்துள்ளார் அந்த புகாரின் அடிப்படையில் காவல்துறையினர் விசாரணை நடத்தி திருஞானத்தை கைது செய்துள்ளனர்.