காணாமல் போன விவசாயி சடலமாக மீட்கப்பட்ட சம்பவம் சோகத்தை ஏற்படுத்தியுள்ளது.
திருச்சி மாவட்டத்திலுள்ள துவரங்குறிச்சி பகுதியில் விவசாயியான லட்சுமணன் என்பவர் வசித்து வந்துள்ளார். கடந்த 26-ஆம் தேதி தோட்டத்திற்கு சென்ற லட்சுமணன் காணாமல் போய்விட்டார். இதனால் லட்சுமணனின் உறவினர்கள் அவரை பல்வேறு இடங்களில் தேடி பார்த்துள்ளனர். இந்நிலையில் பாலாற்றில் லட்சுமணனின் சடலம் மிதப்பதை பார்த்த பொதுமக்கள் உடனடியாக காவல்துறையினருக்கு தகவல் தெரிவித்துள்ளனர்.
அந்த தகவலின்படி சம்பவ இடத்திற்கு விரைந்து சென்ற காவல்துறையினர் லட்சுமணனின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் நடத்திய விசாரணையில் தோட்டத்திற்கு செல்லும் போது பாலாற்றில் ஏற்பட்ட வெள்ளப்பெருக்கில் சிக்கி லட்சுமணன் இறந்தது தெரியவந்துள்ளது. இதுகுறித்து காவல்துறையினர் தொடர்ந்து விசாரணை மேற்கொண்டு வருகின்றனர்.