திருப்பூரில் பின்னலாடை உற்பத்தியின் முக்கிய மூலப்பொருளான நூல் விலையை கிலோவிற்கு ரூபாய் 10 குறைத்து தனியார் கூட்டமைப்பு அறிவித்துள்ளது.
திருப்பூரில் பின்னலாடை தொழில் கூட்டமைப்பு சார்பில் விலை உயர்வை கண்டித்தும், பஞ்சு நூல் ஏற்றுமதியை தடை செய்ய கோரியும் திருப்பூரில் கடந்த 26ஆம் தேதி ஆறாயிரத்துக்கும் மேற்பட்ட பின்னலாடை உற்பத்தி மற்றும் அதனை சார்ந்த நிறுவனங்கள் வேலை நிறுத்தத்தில் ஈடுபட்டனர். இதனால் 100 கோடி மதிப்பிலான பின்னலாடை உற்பத்தி பாதிக்கப்பட்டது. திருப்பூரில் உள்ள பின்னலாடை நிறுவனங்களில் நேரடியாகவும், மறைமுகமாகவும் 10 லட்சத்துக்கும் மேற்பட்ட தொழிலாளர்கள் பணியாற்றி வருகின்றனர்.
பின்னலாடை நிறுவனங்களின் மூலப்பொருள்கன நூல் விலை உயர்வு காரணமாக கடுமையான பாதிப்பை சந்தித்து வருகின்றது என்று கூறி பல நிறுவனங்கள் இந்த போராட்டத்தில் கலந்து கொண்டனர். இந்நிலையில் திருப்பூரில் பின்னலாடை உற்பத்தியில் முக்கிய மூலப்பொருளான நூல் விலையை ரூபாய் 10 குறைத்து தனியார் கூட்டமைப்பு அறிவித்துள்ளது.