வயலுக்கு சென்ற விவசாயி மர்மமான முறையில் உயிரிழந்து கிடந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.
ராமநாதபுரம் மாவட்டம் நயினார்கோவில் யூனியன் அருகே உள்ள கிளியூர் வடக்கு குடியிருப்பில் திருநாவுக்கரசு என்பவர் வசித்து வந்துள்ளார். விவசாயியான இவர் வழக்கம்போல வயலுக்கு சென்றுள்ளார். இதனையடுத்து திருநாவுக்கரசு வயல்வெளியில் உடலில் காயங்களுடன் மர்மமான முறையில் உயிரிழந்து கிடந்துள்ளார்.
இதனை பார்த்த அப்பகுதியினர் அதிர்ச்சியடைந்து உடனடியாக நயினார்கோவில் காவல்துறையினருக்கு தகவல் தெரிவித்துள்ளனர். தகவலறிந்து சம்பவ இடத்திற்கு விரைந்து சென்ற காவல்துறையினர் திருநாவுக்கரசு உடலை மீட்டு உடற்கூறு ஆய்விற்கு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்கு பதிவு செய்து விசாரணை மேற்கொண்டு வருகின்றனர்.