“மிஸ் பண்ணிடாதீங்க மக்களே”…. இந்த வருஷத்தோட கடைசி சூரிய கிரகணம் இதுதான்….!!

இன்று நடைபெறவுள்ள “ஆண்டின் இறுதி சூரிய கிரகணம்” குறித்த சுவாரஸ்ய தகவல் வெளியாகியுள்ளது.

இன்று இந்த வருடத்திற்கான இறுதி சூரிய கிரகணம் நடைபெறவிருக்கிறது. அதாவது முழு சூரிய கிரகணம் என்பது சூரியன், நிலவு, பூமி ஆகிய மூன்றும் ஒரே நேர்கோட்டில் இருப்பது ஆகும். அந்த வகையில் இன்று நடைபெற இருக்கின்ற முழு சூரிய கிரகணமானது அண்டார்டிகா நாட்டில் மட்டுமே தெரியும் என்று கூறப்படுகிறது. மேலும் இந்த கிரகணம் சுமார் ஒரு நிமிடம் 54 நொடியில் இருளை உருவாக்கும். அப்போது வானில் நட்சத்திரங்கள் கூட தெரியும் என்று தகவல் தெரிவிக்கப்பட்டுள்ளது.

அதோடு மட்டுமில்லாமல் இந்திய நேரப்படி மதியம் 12:30 மணிக்கு தொடங்கும் இந்த சூரிய கிரகணம் சுமார் நான்கு மணி நேரம் வரை நீடிக்கும் என்று கூறப்படுகிறது. அதேசமயம் தென் அரைக்கோளம் பகுதிகளான சிலி, ஆஸ்திரேலியா, நியூசிலாந்து, தென் ஆப்பிரிக்கா உள்ளிட்ட நாடுகளில் பகுதி சூரிய கிரகணத்தை காணலாம். அதாவது சூரியன், நிலவு, பூமி ஆகிய மூன்றும் நேர்கோட்டில் இல்லாமல் இருப்பதை பகுதி சூரிய கிரகணம் என்கிறோம். ஆனால் இன்று நடைபெறவுள்ள சூரிய கிரகணம் “ரிவர்ஸ் போலார் சோலார்” என்று அழைக்கப்படுகிறது.

மேலும் இந்த சூரிய கிரகணம் சிறப்பு வாய்ந்த ஒன்றாக இருக்கும் என்று கூறப்படுகிறது. பொதுவாக நிலவு பூமியை மேற்கு திசையில் இருந்து கிழக்கு திசையில் மிகவும் வேகமாக சுற்றும். ஆனால் இன்று நடைபெறவுள்ள சூரிய கிரகணத்தின் போது நிலவு கிழக்கு திசையில் இருந்து மேற்கில் சுழலும். இருப்பினும் இந்த சூரிய கிரகணத்தை இந்தியாவில் காண முடியாது. ஆனால் அமெரிக்க விண்வெளி ஆராய்ச்சி மையமான நாசாவின் சமூக வலைதளத்தில் சூரிய கிரகணத்தை நேரலையாக காண முடியும்.