கடந்த ஒன்றரை வருடமாக நாடு முழுவதும் கொரோனா தாக்கம் காரணமாக பல நடவடிக்கைகள் எடுக்கப்பட்டதால் படிப்படியாக குறைந்தது. இதனால் தற்போது தளர்வுகள் வழங்கப்பட்டுள்ளது. சர்வதேச விமானங்களுக்கும் அனுமதி வழங்கப்பட்டுள்ள நிலையில் தென் ஆப்பிரிக்காவில் முதன் முறையாக ஒமைக்ரான் வைரஸ் கண்டறியப்பட்டது. தொடக்கத்தில் அண்டை நாடுகளில் மட்டும் இதனுடைய தாக்கம் இருந்தது. தற்போது பல நாடுகளிலும் பரவி வருகிறது. இந்த வைரஸ் தாக்கம் பரவாமல் இருக்க அனைத்து மாநிலங்களிலும் கண்காணிப்புகள் தீவிர படுத்தப்பட்டுள்ளன.
இருந்தாலும் இந்தியாவில் ஒமைக்ரான் வைரஸால் பாதிப்பு ஏற்பட்டு வருகிறது. கர்நாடகாவில் இருவருக்கும், குஜராத், மராட்டியத்தில் தலா ஒருவருக்கும் என மொத்தம் நான்கு பேருக்கு ஒமைக்ரான் உறுதி செய்யப்பட்டுள்ளது. தற்போது டெல்லியை சேர்ந்த ஒருவருக்கு இந்த வைரஸ் தொற்று கண்டுபிடிக்கப்பட்டது. டெல்லியிலுள்ள மருத்துவமனையில் அந்த நபர் அனுமதிக்கப்பட்டுள்ளார். எனவே இதுவரை இந்தியாவில் ஒமைக்ரான் வைரசால் 5 பேர் பாதிக்கப்பட்டுள்ளதாக தெரிவிக்கப்பட்டுள்ளது.