புதுச்சேரி மாநிலத்தில் கொரோனா பெருந்தொற்று காரணமாக கடந்தாண்டு முதல் பள்ளிகள் மூடப்பட்டது. தொற்றின் தாக்கம் படிப்படியாக குறைந்ததை அடுத்து கடந்த செப்.1ந்தேதி முதல் 9 ஆம் வகுப்பு முதல் 12 ஆம் வகுப்பு வரையிலான பள்ளிகள் மற்றும் கல்லூரிகள் திறக்கப்பட்டது.
இதனிடையே கடந்த மாதம் 1ந்தேதி 1 முதல் 8ந்தேதி வரை பள்ளிகள் தொடஙகும் என அறிவிப்பு வெளியான நிலையில் தொடர்கனமழை காரணமாக தேதி குறிப்பிடாமல் பள்ளிகள் திறப்பு ஒத்தி வைக்கப்பட்டது.
இதனைத்தொடர்ந்து புதுச்சேரியில் 1 முதல் 8 ஆம் வகுப்பு மாணவர்களுக்கு இன்று முதல் பள்ளிகள் திறக்கப்படுகின்றன. வகுப்பறைகள் அரைநாள் மட்டுமே இயங்கவுள்ள நிலையில் ஒன்றுவிட்டு ஒரு நாள் மட்டும் இயங்கும் வகையில் ஏற்பாடு செய்யப்பட்டுள்ளது. அரைநாள் இயங்கிவந்த 9 முதல் 12 ஆம் வகுப்புக்கு இன்று முதல் முழு நேர வகுப்பாக இயங்கும் என்றும் தெரிவிக்கப்பட்டுள்ளது.