ரசிகர்கள் என் மீது வைத்த நம்பிக்கை வீண்போகாது – ரஜினிகாந்த் .

ரஜினிகாந்த் “ரசிகர்கள் என் மீது வைத்துள்ள நம்பிக்கை வீண்போகாது “என கூறியுள்ளார் .

சென்னை நேரு உள்விளையாட்டரங்கில் நேற்று மாலை தர்பார் பட இசை வெளியீட்டுவிழா நடைபெற்றது . அந்நிகழ்ச்சியில்  பேசிய ரஜினிகாந்த், ரசிகர்கள் தமது பிறந்தநாளை ஆடம்பரமாக கொண்டாட வேண்டாம் என்றும், அதற்கு பதிலாக ஏழைகளுக்கு உபகாரம் செய்யுமாறு கேட்டுக் கொண்டார்.

என்னை  நம்பி படம் எடுத்த தயாரிப்பாளர்கள், இயக்குநர்களை நான்  ஏமாற்றியது இல்லை என்று கூறிய  ரஜினிகாந்த், அது போன்று ரசிகர்கள் தம்மீது வைத்துள்ள நம்பிக்கை வீண் போகாது என்று தெரிவித்தார்.

தமிழக அரசின் மீது தாம்  பல விமர்சனங்களை  தெரிவித்திருந்த போதிலும், இசை வெளியீட்டு விழாவை நேரு விளையாட்டு அரங்கில் நடத்த அனுமதி வழங்கியிருப்பதாக ரஜினி குறிப்பிட்டார்.இந்நிகழ்ச்சியில் சிறப்பு விருந்தினர்கள், நடிகர்- நடிகைகள், தொழில்நுட்பக் கலைஞர்கள் மற்றும் ரசிகரகள் பலர் பங்கேற்றனர்.