இன்று காலை 2022-ல் நடத்தப்பட உள்ள தேர்வு அட்டவணையை டிஎன்பிஎஸ்சி தலைவர் பாலசந்திரன் வெளியிட்டார். இதில் குரூப்-2 ஏ மற்றும் குரூப் 4 தேர்வுக்கான அறிவிப்பு மற்றும் காலி பணியிடங்கள் குறித்த தகவல்கள் வெளியிடப்பட்டது. இதனைத்தொடர்ந்து குரூப் 4 இல் வரும் தட்டச்சர் பணிக்கான இரண்டாம் கட்ட அசல் சான்றிதழ் சரிபார்ப்பு மற்றும் கலந்தாய்வு டிசம்பர் 18 மற்றும் 20 ஆகிய தேதிகளில் சென்னையில் நடைபெறும் என்று, டிஎன்பிஎஸ்சி நிர்வாகம் அறிவித்துள்ளது.
மேலும் சான்றிதழ் சரிபார்ப்பு, கலந்தாய்விற்கான தேதி நேரம் அடங்கிய அழைப்பு கடிதத்தை www.tnpsc.gov.in இல் பதிவிறக்கம் செய்து கொள்ளலாம். கலந்தாய்விற்கு உரிய நாட்களில் நேரத்திற்கு வரத் தவறினால் அவர்களுக்கு மறு வாய்ப்பு வழங்கப்பட மாட்டாது என்று அறிவிக்கப்பட்டுள்ளது.