ஆஷஸ் டெஸ்ட் தொடர் இங்கிலாந்து அணி முதல் இன்னிங்சில் அனைத்து விக்கெட் இழப்புக்கு 147 ரன்கள் எடுத்துள்ளது .
இங்கிலாந்து – ஆஸ்திரேலியா அணிகளுக்கு இடையே 5 போட்டிகள் கொண்ட ஆஷஸ் டெஸ்ட் தொடர் இன்று தொடங்கியது .இதில் இரு அணிகளுக்கு இடையேயான முதல் டெஸ்ட் போட்டி இன்று நடைபெற்றது. இதில் டாஸ் வென்ற இங்கிலாந்து அணி பேட்டிங் தேர்வு செய்தது.அதன்படி முதலில் பேட் செய்த இங்கிலாந்து அணியில் தொடக்க வீரர்களாக ரோரி பர்ன்ஸ் – ஹசீப் ஹமீது ஜோடி களமிறங்கினர் .
இதில் ரோரி பர்ன்ஸ் ரன் எதுவும் எடுக்காமல் ஆட்டமிழந்தார் .இதன் பிறகு களமிறங்கிய வீரர்கள் சொற்ப ரன்னில் வெளியேறினர் . இறுதியாக இங்கிலாந்து அணி அனைத்து விக்கெட் இழப்புக்கு 147 ரன்கள் சுருண்டது. இதில் ஆஸ்திரேலிய அணி தரப்பில் பேட் கம்மின்ஸ் 5 விக்கெட் கைப்பற்றி அசத்தினார்.இதன் பிறகு ஆஸ்திரேலிய அணி தனது முதல் இன்னிங்சை தொடங்கியது .ஆனால் மழை குறுக்கிட்டதால் முதல் நாள் ஆட்டம் பாதியில் ரத்து செய்யப்பட்டது.