லட்சுமி நரசிம்மர் கோவில் உண்டியல் எண்ணிக்கை பணி முடிந்ததில் 45 லட்ச ரூபாய் வருமானம் வந்திருப்பதாக அதிகாரிகள் தெரிவித்துள்ளனர்.
ராணிப்பேட்டை மாவட்டத்தில் உள்ள சோளிங்கர் பகுதியில் தமிழக அளவில் பிரசித்தி வாய்ந்த 108 திவ்ய தேசங்களில் ஒன்றான லட்சுமி நரசிம்ம சுவாமி ஊர் கோவில், யோக நரசிம்மர், யோக ஆஞ்சநேயர் கோவில் மற்றும் மலை கோவில், மலை அடிவாரம் ஆகிய பகுதிகளிலிருந்து 10-க்கும் அதிகமான இடங்களில் உண்டியல்கள் வைக்கப்பட்டு இருக்கிறது. இதில் உண்டியல்களில் பக்தர்கள் செலுத்திய காணிக்கை பணம் எண்ணும் பணி தற்போது நடைபெற்றுள்ளது.
இந்நிலையில் கோவில் உதவி ஆணையர் ஜெயா மற்றும் காஞ்சிபுரம் உதவி ஆணையர் தியாகராஜன் ஆகியோர் முன்னிலையில் உண்டியல்கள் திறக்கப்பட்டு காணிக்கை எண்ணும் பணி ஊர் கோவிலில் வைத்து நடைபெற்றுள்ளது. இவற்றில் 45,38,000 ரூபாயை பக்தர்கள் காணிக்கையாக செலுத்திருகின்றனர். இதனைத் தொடர்ந்து 150 கிராம் தங்கம், 240 கிராம் வெள்ளி ஆகியவற்றை பக்தர்கள் காணிக்கையாக செலுத்தியுள்ளனர்.