அமேசானால் மற்ற நிறுவனங்களுக்கு இழப்பீடு ஏற்பட்டுள்ளதாக தகவல்கள் வெளிவந்துள்ளன.
உலகின் முன்னணி நிறுவனமான அமேசான் இத்தாலியில் தனது மூன்றாம் தர விற்பனையாளர்களுக்கு சில சலுகைகளை அளித்துள்ளது. இதனால் அமேசானுக்கு எதிரான போட்டி நிறுவனங்களுக்கு இது பெரும் இழப்பை ஏற்படுத்தியுள்ளது. அதிலும் அமேசான் நிறுவனத்தின் ஆன்லைனில் பொருட்களை வாங்கும் பொழுது வாடிக்கையாளர்களுக்கு சில குறிப்பிட்ட நிறுவனங்களின் பொருட்கள் மட்டும் அதிகமுறை காண்பிக்கப்பட்டுள்ளது.
இது போன்று அதிகமுறை காண்பிக்கப்பட்ட நிறுவனங்கள் அனைத்தும் அமேசானின் போட்டி நிறுவனங்களை வீழ்த்தக் கூடிய திறன் கொண்டவை என்று கூறப்பட்டுள்ளது. மேலும் இதனை தவறான வழியில் பயன்படுத்தியதால் மற்ற நிறுவனங்களுக்கு மிகப்பெரிய அளவில் இழப்பீடு ஏற்பட்டுள்ளது. இதனால் அமேசான் நிறுவனத்தின் மீது புகார் அளிக்கப்பட்டுள்ளது.
இதனை விசாரித்த நிறுவனங்களை கண்காணிக்கும் அமைப்பானது அமேசான் நிறுவனத்திற்கு 1.3 பில்லியன் டாலர்களை அபராதமாக விதித்துள்ளது. ஆனால் இதனை எதிர்த்து அமேசான் நிறுவனம் மேல்முறையீடு செய்யப்போவதாக தகவல்கள் வெளிவந்துள்ளது.