அடையாளம் தெரியாத வாகனம் மோதிய விபத்தில் சாலையில் நடந்து சென்ற எலக்ட்ரீசியன் பலியான சம்பவம் சோகத்தை ஏற்படுத்தியுள்ளது.
மதுரை மாவட்டத்தில் உள்ள தும்பைப்பட்டி கிராமத்தில் நாகூர்அனிபா என்பவர் வசித்து வருகிறார். இவரது மகனான ராஜாமுகமது எலக்ட்ரீசியனாக பணிபுரிந்து வந்துள்ளார். இவர் குன்னங்குடிபட்டியில் உள்ள நான்குவழிசாலையில் நடந்து சென்றுள்ளார். அப்போது அந்த வழியாக வந்த அடையாளம் தெரியாத வாகனம் ராஜா முகமது மீது மோதியது. இதில் தூக்கி வீசப்பட்டு ராஜாமுகமது படுகாயம் அடைந்தார்.
இதுகுறித்து தகவல் அறிந்த கொட்டாம்பட்டி காவல்துறையினர்சம்பவ இடத்திற்கு விரைந்து சென்று ராஜாமுகமதை மீட்டு சிகிச்சைக்காக அரசு மருத்துவமனைக்கு அனுப்பி வைத்துள்ளனர். ஆனால் மருத்துவமனைக்கு போகும் வழியிலேயே ராஜாமுகமது பரிதாபமாக உயிரிழந்து விட்டார். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.