திருமண தம்பதிகளை ஏற்றி சென்ற கார் மோதியதில் பெண் பலியான சம்பவம் சோகத்தை ஏற்படுத்தியுள்ளது.
தூத்துக்குடி மாவட்டத்திலுள்ள விளாத்திகுளம் பகுதிகளில் சுவாமிதாசன் என்பவர் வசித்து வருகிறார். இவருக்கு செல்லம்மாள் என்ற மகள் இருந்துள்ளார். இவருக்கு திருமணம் ஆகவில்லை. இந்நிலையில் செல்லம்மாள் பிள்ளையார்நத்தம்-வேலிடுபட்டி பகுதியில் உள்ள வேறு ஒருவருக்கு சொந்தமான நிலத்தில் விவசாய பணிகளை முடித்துவிட்டு சாலையில் நடந்து சென்று கொண்டிருந்தார். அப்போது அண்ணாமலை நகர் பகுதியில் வசிக்கும் கார்த்தி என்பவர் திருமண தம்பதிகளை அழைத்துக்கொண்டு ஓட்டி வந்த கார் செல்லம்மாள் மீது எதிர்பாராதவிதமாக மோதியது.
இதில் பலத்த காயமடைந்த செல்லம்மாள் சம்பவ இடத்திலேயே பரிதாபமாக உயிரிழந்தார். இதுகுறித்து தகவலறிந்த விளாத்திகுளம் காவல்துறையினர் சம்பவ இடத்திற்கு விரைந்து சென்று செல்லம்மாளின் உடலை உடனடியாக கைப்பற்றி விளாத்திகுளம் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இதுகுறித்து வழக்கு பதிவு செய்த காவல்துறையினர் விசாரணை நடத்தி வருகின்றனர்.