வகுப்பறையில் வைத்து ஒரு மாணவர் மற்றொரு மாணவரை கத்தியால் குத்திய சம்பவம் பரபரப்பை ஏற்படுத்தியுள்ளது.
சென்னை மாவட்டத்தில் உள்ள அண்ணா நகரில் தனியார் ஆண்கள் கல்லூரி அமைந்துள்ளது. இங்கு பூந்தமல்லி மற்றும் வில்லிவாக்கத்தை சேர்ந்த 2 மாணவர்கள் பி.காம் இரண்டாம் ஆண்டு படித்து வருகின்றனர். இந்நிலையில் இரு மாணவர்களுக்கும் இடையே வகுப்பறையில் வைத்து திடீரென தகராறு ஏற்பட்டுள்ளது. அப்போது கோபமடைந்த ஒரு மாணவர் மற்றொரு மாணவரை கத்தியால் சரமாரியாக குத்தியுள்ளார்.
இதனால் படுகாயமடைந்த அந்த மாணவரை அருகில் உள்ளவர்கள் மீட்டு மருத்துவமனையில் சிகிச்சைக்காக அனுமதித்துள்ளனர். இதுகுறித்து காயமடைந்த மாணவர் அண்ணாநகர் காவல் நிலையத்தில் புகார் அளித்துள்ளார். அந்த புகாரின் பேரில் வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.