ஐஎஸ்எல் கால்பந்து போட்டியில் இன்று நடைபெறும் ஆட்டத்தில் ஒடிசா -ஜாம்ஷெட்பூர் அணிகள் மோதுகின்றன .
8-வது இந்தியன் சூப்பர் லீக் கால்பந்து போட்டி(ஐஎஸ்எல்) கோவாவில் நடைபெற்று வருகிறது. கடந்த ஆண்டு போலவே கொரோனா தடுப்பு விதிமுறைகளை பின்பற்றி இந்த ஆண்டும் இப்போட்டி நடைபெறுகிறது. இப்போட்டியை நேரில் காண ரசிகர்களுக்கு அனுமதி மறுக்கப்பட்டுள்ளது . இப்போட்டி அடுத்த ஆண்டு மார்ச் மாதம் வரை நடைபெற உள்ளது இந்நிலையில் இன்று இரவு 7.30 மணிக்கு நடைபெறும் ஆட்டத்தில்ஒடிசா -ஜாம்ஷெட்பூர் அணிகள் பலப்பரீட்சை நடத்துகின்றன .
இதுவரை ஒடிசா விளையாடிய 4 போட்டிகளில் 3 வெற்றி ,ஒரு தோல்வி என புள்ளி பட்டியலில் 3-வது இடத்தில் உள்ளது. இதையடுத்து 5 போட்டிகளில் விளையாடியுள்ள ஜாம்ஷெட்பூர் அணி 2 வெற்றி , ஒரு தோல்வி, 2 டிரா என புள்ளி பட்டியலில் 5-வது இடத்தைப் பிடித்துள்ளது. இதனால் இன்றைய ஆட்டத்தில் வெற்றி பெறும் முனைப்புடன் இரு அணிகளும் களம் இறங்கும் என்பதால் விறுவிறுப்புக்கு பஞ்சம் இருக்காது.