மாணவியின் தற்கொலை வழக்கு…. ஆசிரியர் குண்டர் சட்டத்தில் கைது…. கமிஷனரின் அதிரடி உத்தரவு…!!

குண்டர் தடுப்பு சட்டத்தின் கீழ் ஆசிரியரை கைது செய்ய போலீஸ் கமிஷனர் அதிரடியாக உத்தரவிட்டுள்ளார்.

கோயம்புத்தூர் மாவட்டத்திலுள்ள தனியார் பள்ளியில் படித்த 12-ஆம் வகுப்பு மாணவி தூக்கிட்டு தற்கொலை செய்துள்ளார். இந்த வழக்கில் மாணவிக்கு பாலியல் தொந்தரவு கொடுத்த ஆசிரியரான மிதுன் சக்கரவர்த்தி என்பவரை காவல்துறையினர் போக்சோ சட்டத்தின் கீழ் கைது செய்தனர். இதனையடுத்து புகார் அளித்தும் நடவடிக்கை எடுக்காத பள்ளியின் தலைமை ஆசிரியரான மீரா ஜாக்சனையும் காவல்துறையினர் கைது செய்துள்ளனர்.

இதில் மிதுன் சக்கரவர்த்தி ஈரோடு மாவட்டத்தில் உள்ள பெருந்துறை கிளை சிறையில் அடைக்கப்பட்டுள்ளார். இந்நிலையில் கோவை மாநகர போலீஸ் கமிஷனர் பிரதீப்குமார் ஆசிரியரை குண்டர் தடுப்பு சட்டத்தின் கீழ் கைது செய்ய அதிரடியாக உத்தரவிட்டுள்ளார். இந்த உத்தரவு நகலை மிதுன் சக்கரவர்த்தியிடம் சிறை அலுவலர்கள் வழங்கியுள்ளனர்.