மாநிலம் முழுவதும் ஒமிக்ரான் பாதிப்புகளின் எண்ணிக்கை தொடர்ந்து அதிகரித்து வருவதால் புதிய கட்டுப்பாடுகளை விதிக்க மஹாராஷ்டிரா மாநில அரசு முடிவு செய்து உள்ளது. இதற்கு முன்பாக கர்நாடக மாநிலத்தில் கண்டறியப்பட்ட இந்த வகை வைரஸ் தொற்று மஹாராஷ்டிரா மாநிலத்திலும் தாக்கத்தை ஏற்படுத்தி இருந்தது. அந்த அடிப்படையில் இதுவரை 32 பேர் இந்த வைரசுக்கு எதிராக பாசிட்டிவ் வழக்குகளை பதிவு செய்துள்ளனர். தற்போது மாநிலம் முழுவதும் நோய்த்தடுப்பு கட்டுப்பாடுகளை தீவிரப்படுத்த முடிவு செய்துள்ள அரசாங்கம், மும்பை மாநகரம் முழுவதும் இன்று டிசம்பர் 16 முதல் 31 வரை 144 தடை உத்தரவு விதித்துள்ளது.
இதனிடையில் கொரோனா வைரஸின் ஒமிக்ரான் மாறுபாடு உலகில் வேகமாகப் பரவிவரும் நிலையில் வரும் ஜனவரி மாதத்தில் இந்த நோய்த்தொற்றின் வழக்குகள் கிராமப்புறங்களிலும், நகர்ப்புறங்களிலும் அதிகரிக்கும் என்று மூத்த பொது சுகாதாரத்துறை அதிகாரி கூடுதல் தலைமைச் செயலாளர் டாக்டர் பிரதீப் வியாஸ் தெரிவித்துள்ளார். இந்நிலையில் குற்றவியல் நடைமுறை சட்டத்தின் பிரிவு 144-ன் கீழ் மும்பை மாநகரத்தில் ஒரே இடத்தில் மக்கள் பெரிய அளவில் கூடுவதையும், பொதுக் கூட்டங்களை நடத்துவதற்கும் தடை பிறப்பிக்கப்பட்டுள்ளது. இதை தவிர இன்று டிசம்பர் 16 முதல் புத்தாண்டு வரை அமலில் இருக்கும் வகையில் சில புதிய கட்டுப்பாடுகளும் அறிவிக்கப்பட்டுள்ளது. அதாவது,
1. எந்த ஒரு நிகழ்விலும் ஒரு அரங்கில் 50 சதவீதம் பேர் மட்டுமே கலந்துகொள்ள அனுமதிக்கப்படுவார்கள்.
2. நிகழ்ச்சிகளை நடத்துபவர்கள் முழுமையாக தடுப்பூசி செலுத்தியிருக்க வேண்டும்.
3. கடைசி ஸ்தாபனம், வணிக வளாகம், நிகழ்வு மற்றும் ஒன்றுகூடல் ஆகியவை முழுமையாக தடுப்பூசி செலுத்தப்பட்ட நபர்களால் நிர்வகிக்கப்படவேண்டும்.
4. அத்தகைய இடங்களுக்கு வரும் பார்வையாளர்கள் மற்றும் வாடிக்கையாளர்கள் கொரோனா வைரசுக்கு எதிராக முழுமையாக தடுப்பூசி செலுத்தியிருக்க வேண்டும்.
5. அனைத்து பொது போக்குவரத்தையும் முழுமையாக தடுப்பூசி போடப்பட்ட நபர்கள் மட்டுமே பயன்படுத்த வேண்டும்.
6. மஹாராஷ்டிராவுக்கு வரும் பயணிகள் அனைவரும் தடுப்பூசி செலுத்தி இருக்க வேண்டும்.
7. 72 மணி நேரத்திற்கு செல்லுபடியாகும் ஆர்.டி.பிசியார் பரிசோதனையை மேற்கொள்ள வேண்டும்.
8. அடைக்கப்பட்ட அல்லது திறந்த வெளியில் ஏதேனும் ஒரு நிகழ்ச்சி நடைபெற்றால் அதன் மொத்த திறனில் 50% வரை மக்கள் கலந்து கொள்ள அனுமதிக்கப்படுவார்கள்.
9. இதுபோன்ற நிகழ்வுகளில் கலந்து கொண்டவர்களின் எண்ணிக்கை ஆயிரத்தை தாண்டினால், அது குறித்து உள்ளூர் பேரிடர் மேலாண்மை ஆணையத்திற்கு தெரிவிக்க வேண்டும் என்று அறிவுறுத்தப்பட்டுள்ளது.