வீட்டின் பூட்டை உடைத்து 6 பவுன் தங்கச் சங்கிலி மற்றும் வெள்ளி பொருட்களை திருடி சென்ற மர்ம நபர்களை காவல்துறையினர் வலைவீசி தேடி வருகின்றனர்.
மயிலாடுதுறை மாவட்டம் குத்தாலம் அருகேயுள்ள ஆனாங்கூர் கிராமத்தை சேர்ந்த காசிநாதன் என்பவர் வெளிநாட்டில் வேலை செய்து வருகிறார். இவருடைய மனைவி இலக்கியா தனது 2 குழந்தைகளுடன் அரையபுரத்தில் உள்ள தாய் வீட்டில் வசித்து வந்தார் . இந்நிலையில் அவ்வப்போது மனைவி இலக்கியா ஆனாங்கூரில் உள்ள கணவர் வீட்டிற்கு சென்று வருவதை வழக்கமாக வைத்திருந்தார் .இந்நிலையில் நேற்று முன்தினம் வழக்கம் போல் இலக்கியா கணவர் வீட்டிற்கு சென்றுள்ளார் .
அப்போது வீட்டின் கதவு உடைக்கப்பட்டு இருப்பதை கண்டு அதிர்ச்சி அடைந்தார். இதன் பிறகு உள்ளே சென்று பார்த்தபோது இரண்டு பீரோக்கள் உடைக்கப்பட்டு அதிலிருந்த 6 பவுன் தங்கச் சங்கிலி , 850 கிராம் மதிப்புள்ள வெள்ளி பொருட்கள் ஆகியவை காணவில்லை. இந்நிலையில் வீட்டில் ஆட்கள் இல்லாததை தெரிந்து கொண்ட மர்ம நபர்கள் வீட்டின் பூட்டை உடைத்து தங்க நகை மற்றும் வெள்ளி பொருட்களை திருடி சென்று இருப்பது தெரியவந்தது. இதுகுறித்து இலக்கியா குத்தாலம் காவல் நிலையத்தில் புகார் அளித்தார் இந்த புகாரின் பேரில் வழக்குப்பதிவு செய்த காவல்துறையினர் திருடிச் சென்ற மர்ம நபர்களை வலைவீசி தேடி வருகின்றனர்.