மின்சாரம் தாக்கி விவசாயி உயிரிழந்த சம்பவம் சோகத்தை ஏற்படுத்தியுள்ளது.
மதுரை மாவட்டத்திலுள்ள திருமங்கலம் பகுதியில் விவசாயியான கிருஷ்ணன் என்பவர் வசித்து வந்துள்ளார். இவருக்கு அக்கம்மாள் என்ற மனைவி உள்ளார். இந்நிலையில் தம்பதிகள் இருவரும் வயலுக்கு களை எடுப்பதற்காக சென்றுள்ளனர். அப்போது தொடர் மழையால் அறுந்து கீழே விழுந்து துருபிடித்த மின்சார வயரை கிருஷ்ணன் எதிர்பாராதவிதமாக மிதித்துவிட்டார்.
இதனால் மின்சாரம் தாக்கி சம்பவ இடத்திலேயே உடல் கருகி கிருஷ்ணன் பரிதாபமாக இறந்துவிட்டார். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்ற போலீசார் கிருஷ்ணனின் சடலத்தை கைப்பற்றி அரசு மருத்துவமனைக்கு அனுப்பி வைத்துள்ளனர். இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.