பாலா – சூர்யா இணையும் புதிய படத்தின் படப்பிடிப்பு குறித்த தகவல் வெளியாகியுள்ளது.
நடிகர் சூர்யா தமிழ் சினிமாவில் முன்னணி நடிகராக வலம் வருகிறார். இயக்குனர் பாண்டிராஜ் இயக்கத்தில் இவர் நடிப்பில் உருவாகியுள்ள திரைப்படம் ”எதற்கும் துணிந்தவன்”. இந்த திரைப்படம் அடுத்த ஆண்டு பிப்ரவரி 4-ஆம் தேதி ரிலீசாகும் என அறிவிக்கப்பட்டு உள்ளது. இதனையடுத்து, இயக்குனர் பாலா இயக்கத்தில் இவர் புதிய படத்தில் நடிக்க இருப்பதாக ஏற்கனவே அதிகாரப்பூர்வமாக அறிவிப்பு வெளியானது.
இந்நிலையில், இந்த படத்தின் படப்பிடிப்பு அடுத்த ஆண்டு பிப்ரவரி முதல் வாரத்தில் இருந்து தொடங்க இருப்பதாக தகவல் வெளியாகியுள்ளது. ஏற்கனவே, பாலா இயக்கத்தில் நந்தா, பிதாமகன் போன்ற படங்களில் சூர்யா நடித்துள்ளார் என்பது குறிப்பிடத்தக்கது.