மின்சாரம் தாக்கி விவசாயி உயிரிழந்த சம்பவம் பரிதாபத்தை ஏற்படுத்தியுள்ளது.
கிருஷ்ணகிரி மாவட்டத்தில் உள்ள போச்சம்பள்ளி பகுதியில் விவசாயியான ராமசாமி என்பவர் வசித்து வந்துள்ளார். இவர் தனது நிலத்தில் இருந்த வேப்ப மரத்தின் கிளைகளை வெட்டிக் கொண்டிருந்தார். இந்நிலையில் வெட்டப்பட்ட மரக்கிளை அருகிலிருந்த மின்கம்பி மீது விழுந்ததால் எதிர்பாராதவிதமாக ராமசாமி மீது மின்சாரம் பாய்ந்துவிட்டது.
இதனால் தூக்கி வீசப்பட்டு படுகாயமடைந்த ராமசாமி சம்பவ இடத்திலேயே பரிதாபமாக உயிரிழந்துவிட்டார். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று ராமசாமியின் சடலத்தைக் கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.