இந்தியாவில் கொரோனா பாதிப்புகள் சென்ற ஆண்டு கண்டறியப்பட்டாலும், நடப்பு ஆண்டின் ஆரம்பத்திலிருந்து பாதிப்பு மற்றும் உயிரிழப்பு எண்ணிக்கை உச்சத்தை எட்டியது. இதற்கு டெல்டா வகை காரணம் என்று கூறப்பட்டது. இதனால் 2-வது அலை நாட்டில் அதிக பாதிப்புகளை ஏற்படுத்தியது. இதையடுத்து டெல்டா பிளஸ் உள்ளிட்ட கொரோனா வகைகள் கண்டறியப்பட்டாலும் கூட பெரிய அளவில் தாக்கம் ஏதும் ஏற்படுத்தவில்லை. சமீப நாட்களாக நாடு முழுவதும் பாதிப்புகள் குறைந்து வருகின்ற நிலையில், கொரோனா தொற்றின் 3-வது அலைக்கு சாத்தியம் இருப்பதாக நிபுணர் கூறியுள்ளது அச்சத்தை ஏற்படுத்தியுள்ளது.
இதுபற்றி தேசிய கொரோனா சூப்பர்மாடல் குழுவின் தலைவர் வித்யாசாகர் பேசுகையில், இந்தியாவில் அடுத்த ஆண்டு தொடக்கத்தில் 3-வது அலை ஏற்படலாம். தற்போது நோய் எதிர்ப்பு சக்தி அதிக அளவில் மக்களிடம் இருக்கிறது. அதனால் 2-வது அலையை விட இந்த அலை லேசாகவே பாதிப்புகளை ஏற்படுத்தும். ஆனால் நாட்டில் 3-வது அலை கட்டாயம் ஏற்படும். ஒரு நாளைக்கு 7,500 கொரோனா பாதிப்புகள் தற்போது உறுதி செய்யப்பட்டு வருகின்றன. டெல்டாவுக்கு பதிலாக அந்த இடத்திற்கு வரும் போது இந்த எண்ணிக்கை உயர போவது உறுதி என்றும் அவர்கள் தெரிவித்துள்ளனர்.