நெல்லை டவுன் சாப்டர் பள்ளியின் கழிப்பறை தடுப்புச் சுவர் இடிந்து விழுந்ததில் 3 மாணவர்கள் பலியாகினார். 5 மாணவர்கள் படுகாயம் அடைந்து மருத்துவமனையில் சிகிச்சை பெற்று வருகின்றனர். இந்த சம்பவம் பெரும் அதிர்வலைகளை ஏற்படுத்தியது. இதனையடுத்து பள்ளிக் கட்டடங்களின் உறுதித்தன்மையை ஆராய பள்ளிக்கல்வி, மாநகராட்சி, வருவாய், பொதுப்பணித்துறை என்று அனைத்து துறை அலுவலர்கள் குழுக்களை அமைத்து பள்ளிக்கல்வித்துறை உத்தரவிட்டுள்ளது.
இந்தநிலையில் நெல்லையில் கழிவறை சுவர் இடிந்து விழுந்த பள்ளிக்கு சில மாதங்களுக்கு முன்புதான் உறுதி சான்று அளிக்கப்பட்டுள்ளது விசாரணையில் தெரியவந்துள்ளது. கடந்த ஜனவரி மாதம் தீயணைப்பு துறை சார்பில் தடையில்லா சான்றும், 2019 ஆம் வருடம் வருவாய்த்துறை சார்பில் 3 ஆண்டு செல்லுபடியாகும் என்ற கட்டிட சான்றும் அளிக்கப்பட்டுள்ளது. இவ்வாறு பல்வேறு துறை அதிகாரிகளின் சான்றுகளுக்கு பின்னும் இந்த சுவர் இடிந்து விழுந்து விபத்துக்குள்ளாகியுள்ளது பெரும் அதிர்ச்சியை ஏற்படுத்தியுள்ளது.