வங்க கடலில் மீன்பிடித்துக் கொண்டிருந்த ராமேஸ்வரம் மீனவர்கள் 42 பேரை கைது செய்த சிங்கள கடற்படை, மீனவர்கள் பயன்படுத்திய 6 விசைப் படகுகளை பறிமுதல் செய்துள்ளது. இவ்வாறு இலங்கை கடற்படையினரின் அட்டூழியம் தொடர்ந்து வருகிறது. தமிழக மீனவர்களின் வாழ்வாதாரத்தை பாதிக்கும் இந்த நடவடிக்கை கண்டிக்கத்தக்கது என்று அரசியல் கட்சியினர் கண்டனம் தெரிவித்து வருகின்றனர்.
இந்த நிலையில் இலங்கை கடற்படையால் சிறைபிடிக்கப்பட்ட 40 மீனவர்களை விடுவிக்க வலியுறுத்தி காலவரையற்ற வேலைநிறுத்த போராட்டத்தை ராமேஸ்வரம் மீனவர்கள் தொடங்கியுள்ளனர்.