சிவசங்கர் பாபா மீது சிபிசிஐடி போலீசார் மேலும் 3 புதிய வழக்குகளை பதிவு செய்துள்ளனர்.
சென்னையை அடுத்த கேளம்பாக்கத்தில் உள்ள சுஷில் ஹரி மேல்நிலை பள்ளி மாணவிகளுக்கு பாலியல் தொல்லை அளிக்கப்பட்டதாக எழுந்த குற்றச்சாட்டின் அடிப்படையில் நிறுவனரான சிவசங்கர் பாபா டெல்லியில் வைத்து கைது செய்யப்பட்டார். இதை தொடர்ந்து அவர் மீது சிபிசிஐடி போலீசார் 3 வழக்குகளை பதிவு செய்தனர். அந்தப் பள்ளியில் படித்த மாணவிகள் அளித்த புகாரின் அடிப்படையில் சிவசங்கர் பாபா மீது இரண்டு வழக்குகளும், ஒரு பெண் வன்கொடுமை தடுப்பு வழக்குப்பதிவு செய்யப்பட்டிருந்தது.
இதையடுத்து அந்த பள்ளியில் படித்த முன்னாள் மாணவிகள் அளித்த புகார்களின் அடிப்படையில் சிவசங்கர் பாபா மீது மேலும் இரண்டு போக்சோ வழக்குகளும், ஒரு பெண் வன்கொடுமை தடுப்புச் சட்ட வழக்கும் பதிவு செய்யப்பட்டது. இந்நிலையில் சிவசங்கர் பாபா மீது மேலும் 3 வழக்குகளை சிபிசிஐடி போலீஸார் பதிவு செய்துள்ளனர். மொத்தமாக சிவசங்கர் பாபா மீது இதுவரை எட்டு போக்சோ வழக்குகள், ஒரு பெண் வன்கொடுமை வழக்கு என்று மொத்தம் 9 வழக்குகள் பதிவு செய்யப்பட்டுள்ளன.