மக்கள் நீதி மய்யம் கட்சி தலைவர் கமல் ஹாசன் மூத்த இயக்குனர் கே.எஸ் சேதுமாதவன் மறைவுக்கு இரங்கல் தெரிவித்துள்ளார்.
மூத்த இயக்குனர் கே.எஸ் சேதுமாதவன் உடல் நலக்குறைவு காரணமாக இன்று சென்னையில் உயிரிழந்தார்.. மலையாள இயக்குனரான இவர் தமிழ், தெலுங்கு, கன்னடம் உள்ளிட்ட பிற மாநில மொழி படங்களையும் இயக்கியுள்ளார்… இவருக்கு வயது 90.. மலையாளத்தில் கமல்ஹாசனை அறிமுகப்படுத்தியவர் கே.எஸ் சேதுமாதவன்.. தமிழில் கமல்ஹாசன் நடித்த நம்மவர் படத்தை இயக்கியதும் கே.எஸ் சேதுமாதவன் தான்.. இந்நிலையில் வயது மூப்பால் கே.எஸ் சேதுமாதவன் இயற்கை எய்தியுள்ளார்.. இவரது மறைவுக்கு திரையுலகினர் பலரும் தங்களது ஆழ்ந்த இரங்கலை தெரிவித்து வருகின்றனர்.
இந்நிலையில் பிரபல நடிகரும், மக்கள் நீதி மய்யம் கட்சி தலைவருமான கமல் ஹாசன் இரங்கல் தெரிவித்துள்ளார்.. இதுகுறித்து தனது ட்விட்டர் பக்கத்தில், “காலத்தால் அழியாத காவியங்களைத் திரையில் படைத்த கே.எஸ்.சேதுமாதவன் புதிய அலை சினிமாவின் ஊற்றுமுகம்.மலையாள சினிமாவின் தரத்தைத் தீர்மானித்த அடிப்படை விசைகளுள் ஒருவர்.தன் கலைச்சாதனைகளால் என்றென்றும் நினைவு கூரப்படுவார்.என் சேது சாருக்கு, நல்ல சினிமாவை கற்பித்த ஆசிரியருக்கு அஞ்சலிகள்.” என்று பதிவிட்டுள்ளார்..
காலத்தால் அழியாத காவியங்களைத் திரையில் படைத்த கே.எஸ்.சேதுமாதவன் புதிய அலை சினிமாவின் ஊற்றுமுகம்.மலையாள சினிமாவின் தரத்தைத் தீர்மானித்த அடிப்படை விசைகளுள் ஒருவர்.தன் கலைச்சாதனைகளால் என்றென்றும் நினைவு கூரப்படுவார்.என் சேது சாருக்கு, நல்ல சினிமாவை கற்பித்த ஆசிரியருக்கு அஞ்சலிகள். pic.twitter.com/CXPcyVuMDA
— Kamal Haasan (@ikamalhaasan) December 24, 2021