தமிழ் கவிதை உலகில் மறுமலர்ச்சி உருவாக்கிய புரட்சிக் கவிஞர், இலக்கிய முடிசூடா மன்னராக விளங்கிய கவிக்கோ அப்துல் ரகுமான் மீது தீவிரமான பற்றும் கொண்ட இயக்குநர் லிக்குசாமி ஒரு ஹைக்கூ கவிதை போட்டியை ஆர்.சிவக்குமாருடன் இணைந்து அறிவித்துள்ளார். இந்த போட்டியில் வயது வித்தியாசம் இன்றி அனைவரும் கலந்துகொள்ளலாம். அதாவது 3 வரிகள் மட்டும் கொண்ட, 2 ஹைக்கூ கவிதைகள் மட்டுமே ஒருவர் அனுப்ப வேண்டும். அதன் கருப்போருள் எதைப்பற்றி வேண்டுமானாலும் இருக்கலாம்.
இதனையடுத்து தேர்ந்தெடுக்கப்படும் கவிதைக்கு நடுவர்களின் தீர்ப்பின்படி 1 லட்சம் ரூபாய் பரிசு வழங்கப்படவுள்ளது. இது தொடர்பாக இயக்குநர் லிங்குசாமி பேசியபோது ”என் வாழ்வில் இதனை மிக முக்கியமான ஒன்றாக கருதுகிறேன். கவிக்கோ அப்துல் ரகுமான் அவர்கள் மீதுள்ள பற்று மற்றும் ஹைக்கூ மேல் நான் கொண்ட காதலே இப்போட்டியை நடத்துவதற்கான முக்கிய காரணம் ஆகும். நீங்கள் அனைவரும் இதில் கலந்துகொள்வீர்கள் என்று நான் நம்புகிறேன்” என்றார். ஆகவே கவிதைகள் [email protected] என்ற மின்னஞ்சல் முகவரிக்கு அனுப்ப வேண்டும். அதன்பின் போட்டி முடிவுகள் மார்ச் மாதம் அறிவிக்கப்படவுள்ளது.